നവാസുദ്ദീന്‍ സിദ്ദിഖ്വി സെക്‌സ് ചെയ്താലും അര്‍ജുന്‍ റെഡ്ഡി കിസ്സടിച്ചാലും ആര്‍ക്കും പ്രശ്‌നമില്ല !!! കസബ റിമേക്ക് ചെയ്താല്‍ ഡയലോഗുകള്‍ മാറ്റില്ല- തുറന്ന് പറച്ചിലുകളുമായി നിതിന്‍ രണ്‍ജി പണിക്കര്‍

സ്ത്രീവിരുദ്ദ ഡയലോഗുകള്‍ കൊണ്ട് പുലിവാല്‍ നിറഞ്ഞ ചിത്രമായിരുന്നു കസബ. നിതില്‍ രണ്‍ജി പണിക്കരുടെ കന്നി ചിത്രമായ കസബയിലെ മമ്മൂട്ടിയുടെ ഡയലോഗുകള്‍ സൃഷ്ടിച്ചത് ചില്ലറ പൊല്ലാപ്പൊന്നുമായിരുന്നില്ല. മൂന്ന് വര്‍ഷത്തെ ഇടവേളയ്ക്ക് ശേഷം നിതില്‍ സംവിധാന രംഗത്തേക്ക് വീണ്ടുമെത്തുകയാണ്. സുരേഷ് ഗോപി നായകനായി എത്തുന്ന ഇടിവെട്ട് മാസ്സ് ചിത്രമായ ”കാവല്‍” ന്‌റെ പണിപ്പുരയിലാണ് നിതിന്‍.

ഇപ്പോഴിതാ വനിതയ്ക്ക് നല്‍കിയ പ്രത്യേക അഭിമുഖത്തില്‍ താരം ചില തുറന്ന് പറച്ചിലുകള്‍ നടത്തിയിരിക്കുകയാണ്. കസബ ഇറങ്ങി മൂന്ന് വര്‍ഷം പിന്നിടുമ്പോള്‍ ചിത്രത്തില്‍ സ്ത്രീവിരുദ്ധത ഉണ്ടെന്ന് പറഞ്ഞാല്‍ ഇന്നും താന്‍ അംഗീകരിച്ചു തരില്ലല്ലെന്ന് നിതിന്‍ പറയുകയാണ്. മാത്രമല്ല കേരളത്തിലെ ഇക്കഴിഞ്ഞ ക്രൂരമായ കൊലപാതകങ്ങളില്‍ ഒന്നായ കൂടത്തായി ദുരൂഹ മരണത്തിന്റെ പിന്നില്‍ ഒരു സ്ത്രീ ആയിരുന്നില്ലേ..അതുകൊണ്ട് സ്ത്രീക്കും പുരുഷനും നല്ലതും ചീത്തയുമായ വശങ്ങള്‍ ഏറെയുണ്ടെന്ന് മനസിലാക്കണമെന്നും നിതില്‍ പറയുന്നു.

മാത്രമല്ല തെന്നിന്ത്യയെ ഇളക്കി മറിച്ച അര്‍ജുന്‍ റെഡ്ഢി എന്ന സിനിമ ഇറങ്ങിയപ്പോള്‍ ആര്‍ക്കും ഒരു പ്രശ്‌നവുമില്ലായിരുന്നുവെന്നും വിവാദങ്ങള്‍ പോയിട്ട് നെഗറ്റീവിറ്റി പോലും ആരും പറഞ്ഞില്ലെന്നും നമ്മള്‍ ചെയ്താല്‍ പാപമാകുമെന്നും നിതിന്‍ കൂട്ടി ചേര്‍ത്തു. നവാസുദ്ദീന്‍ സിദ്ദീഖി പരസ്യമായി സെക്‌സ് ചെയ്താലും, ബുദ്ധിജീവിയാണെന്ന് പറയുന്ന മനുഷ്യരാണിവിടെ. കസബ റിമേക്ക് ചെയ്താല്‍ തന്റെ കാഴ്ചപ്പാടുകള്‍ മാറ്റുകയില്ലെന്നും ഡയലോഗുകളില്‍ ഒരു വ്യത്യാസം പോലും വരുത്തുകയുമില്ലെന്ന് താരം വ്യക്തമാക്കി.